Professor i pedagogikk ved NLA BMStillingsbeskr...

Professor i pedagogikk ved NLA BMStillingsbeskriving for stilling som professor i pedagogikk ved Norsk Lærerakademi Bachelor- og masterstudier (NLA BM)Norsk Lærerakademi, Bachelor og Masterstudier er ein privat høgskule eigd av 6 organisasjonar innanfor Den norske kyrkja. Ein viser og til ”Verdidokument” for Norsk Lærerakademi. Tilsette må vedkjenne seg kristen tru og arbeide i samsvar med målsetjing og reglement for institusjonen.Institusjonen starta opp verksemda i 1968 med undervisning i kristendomskunnskap. Pedagogikkstudiet kom i gang i 1976 med grunnfag og mellomfagsundervisning, hovudfagsundervisninga starta opp i 1982. I dag har ein også undervisning i interkulturell forståing, ex.phil. og ex.fac. Styret i NOKUT vedtok 13. desember 2006 ei anbefaling til departementet om å gi NLA BM rett til å bruke nemninga akkreditert høgskole (http://www.nokut.no/sw18789.asp).Hausten 2006 har ein totalt om lag 450 studentar på pedagogikk. Av desse er vel 100 masterstudentar. NLA tilbyr bachelor- og mastergradsprogram i pedagogikk. I mastergradsprogrammet er det 4 variantar: mastergrad i pedagogikk, mastergrad i pedagogikk med vekt på pedagogisk leiing, mastergrad i pedagogikk med vekt på spesialpedagogikk og eit engelskspråkleg mastergradsprogram (Master of Philosophy in Education). NLA BM har også eit omfattande eksternt engasjement i etter- og vidareutdanning i skulesektoren. Våre studieplanar er tilgjengelege på http://www.nla.no/Det er i alt 15 tilsette knytt til pedagogikkstudiet. Av dei tilsette har 2 professorkompetanse og 5 har førsteamanuensis-/førstelektorkompetanse. I tillegg kjem 1 professor i religionspedagogikk knytt til kristendomsstudiet. Av det totale talet på tilsette er det 1 stipendiat.Resultatet av den nasjonale evalueringa av pedagogikkmiljøa i Noreg (******) omfatta også NLA. Denne ligg føre i rapporten Norsk pedagogisk forskning. En evaluering av forskningen ved utvalgte universiteter og høgskoler (2004) (http://www.forskningsradet.no/CSStorage/Flex_attachment/PedRapport.pdf ).Med dette vert det lyst ut eit professorat i pedagogikk. Institusjonen ønskjer å styrke sin kompetanse innan didaktikk og innan pedagogisk leiing. Dersom ein ikkje får aktuelle søkjarar som har kompetanse innan didaktikk eller pedagogisk leiing, kan det komme på tale å tilsetje i ein annan av faget sine disiplinar.Undervisnings- og rettleiingsoppgåvene er knytt til både bachelor- og masternivå. I tillegg til undervisningsoppgåver må stillingsinnehavaren kunne ta ansvar for institusjonsprosjekt og forskaropplæring. Når det er behov for det, kan andre oppgåver, innanfor stillingsinnehavarens kompetanse, bli tillagt stillinga, også på tvers av faggrensene ved NLA BM.I tillegg til forsking vil det bli lagt vekt på formidling og på pedagogiske kvalifikasjonar, dvs. pedagogisk utdanning og praksis, med vekt på erfaring frå rettleiing og undervisning.Undervisningsspråka vil vere norsk og engelsk. Den som vert tilsett, må kunne nytte norsk eller eit anna skandinavisk språk skriftleg og munnleg, eller tileigne seg denne kunnskapen i løpet av ein periode på to år.Aktuelle søkarar vil kunne bli kalla inn til intervju før endeleg innstilling. I den samla vurderinga av søkarane vil også personlege eigenskapar bli tillagt vekt, mellom anna pedagogiske evner og evne til å initiere og leie forskings- og utviklingsarbeid.I søknaden må aktuelle søkarar seie frå om ein godtek å arbeide ut frå NLAs grunnreglar.Søknad på stillinga vert sendt Norsk Lærerakademi v/ rektor Egil Morland, boks 74 Sandviken 5812 Bergen innan 17.april. Mogelege spørsmål om stillinga kan rettast til prorektor Arne Tolo, tlf. ******, e-post ******